03/12/16

Premio no traballo por proxectos para 6º de Infantil

A Consellería de Educación publicou esta semana a resolución da convocatoria de Premios ao traballo por proxectos. 
Estamos moi contentos/as porque a profe Ana e o seu grupo do curso pasado en 6º de Infantil resultaron premiados polo seu proxecto "As bolboretas".

Este foi o proxecto de investigación dos nenos e nenas da clase das bolboretas (6º Infantil) o curso pasado.
.

22/11/16

Día Internacional para a eliminación da violencia contra as mulleres

O 25 de novembro é o Día Internacional da Eliminación de la Violencia contra a Muller que foi aprobado pola Asemblea Xeral das Nacións Unidas en 1999 . 
Aquí, desde as escolas, desde a sociedade, desde as familias, temos que seguir traballando para que a igualdade entre mulleres e homes acabe con toda aviolencia que sufren as mulleres de todo o mundo en pleno século XXI. Deixámosvos uns contiños que axudarán a reflexionar sobre o tema. En primeiro lugar unha feliz catástrofe, de Adela Turín e Nella Bosnia , publicado na Ed. KalandraKa, e anteriomente en Lumen.


 Outro dos álbumes ilustrados desta autora: A Historia dos bonobos con lentes, outro fabuloso título sobre a igualdade e a coeducación:

E por último Rosa Caramelo ,Tamén publicado en Kalandraka:


21/11/16

Xornadas bibliotecas escolares

Esta fin de semana participamos nas Xornadas de Formación das Bibliotecas Escolares. Asistimos a espléndidas charlas que nos enchen de ideas para seguir mellorando as competencias do alumnado. Gloria Durban achegounos unha visión actualizada do que deben ser as bibliotecas escolares, que nos dá seguridade para seguir camiñando no bo aproveiramente deste espazo de saber. Outras personalidades como  Carlos Scolari ou Silvia González Goñi amosáronos información e experiencias innovadoras  especialmente interesantes.

17/11/16

AS TARTARUGAS NA BIBLIOTECA


Ao comezo de curso as tartarugas visitamos a biblioteca para coñecer a nosa mascota: PACO.  

Aproveitamos sempre que imos para ler contos








Aprendemos como se clasifican os contos. Cada conto ten a súa pegatina para saber así en que estantería hai que colocala: árbore, nube, sol,... , e practicamos.


E hoxe por fin, como xa somos moi maiores, fixemos o préstamo na biblioteca, xa que ata agora o faciamos na clase na nosa biblioteca de aula. Axudounos a profe Andrea a prestar os libros no ordenador, e aprendemos a colocar o conto  e a carpeta na mesa, a buscar o conto que nos apetece levar para casa, ...



 


FIXÉSTELO MOI BEN!!!

16/11/16

Día da Ciencia en galego

Despois de moito traballo , celebramos o Día da Ciencia en galego.
Os nenos e nenas de cuarto curso fixeron catro actuacións para todos os nenos e nenas do cole, nas que explicaron a quen estaba dedicado o Día da Ciencia 2016 mediante unha presentación de diapositivas que prepararon nas sesións de "Aprender a investigar".
Despois presentaron os seus experimentos.
Saíulles moi ben!

03/11/16

Club de lectura de 5º

Ola a todos e todas.
Nós somos o novo club de lectura de 5º.
É o primeiro ano que realizamos esta actividade e estamos moi ilusionados con ela.
Decidimos chamarnos "Os ratos lectores" e comezaremos co libro de "Charlie e a fábrica de chocolate" que como sabedes é de Roald Dahl.
Un saúdo e felices lecturas.

24/10/16

Os ceos na arte

Esta é a selección de obras de arte sobre a que traballaremos o estado dos ceos na pintura:

22/10/16

Arte na biblioteca: meteoroloxía no arte

Dedicamos a temática do arte ás obras pictóricas nas o tempo meteorolóxico estea presente moi claramente. Son moi coñecidos os ceos de Van Gogh ou as cores do ceo de Edvard Munch na obra "O verro".  Ceos cargados de nubes, con sol radiante ou nebulosos......

21/10/16

Biblioteca escolar: territorio das artes

Biblioteca escolar:territorio das artes é o lema deste curso para o mes das bibliotecas escolares.
 A imaxe do cartel é de Minia Regos

16/10/16

As mochilas viaxeiras seguen en marcha

Coa incorporación dos máis pequenos do cole xa están en marcha as mochilas viaxeiras en todas as clases. Debido ao aumento na matrícula dos diferentes grupos, o equipo de biblio reorganizou as dotacións das mochilas para que houbese dúas mochilas en cada grupo. Un pequeno envío da nosa biblioteca anda polos fogares de Moaña, contribuíndo ao fomento da lectura nas familias. esta é parte dao escrito que nos deixou unha familia no caderno:
"Que contento chegou Pablo a casa o día que trouxo a mochila viaxeira, xa quería ler todos os libros antes de comer. Cando acabamos de ler un conto, a él gústalle repetirllo ao seu irmán pequeno mirando os debuxos das páxinas e lembrando o que escoitou...."

14/10/16

Conta contos na biblio

Na clase de 3º estamos empezando a ser contacontos na hora de Biblioteca. A pasada semana foi Iris quen nos contou un fermoso conto de Miguel Carro titulado "Despois da Chuvia". Gustounos moito Iris. Fixéchelo moi ben!!!






28/09/16

O primeiro conto de terceiro

O primeiro día de clase saímos ao patio e lemos o conto titulado "El rebaño" de .Margarita del Mazo y Guridi. Algúns de nós xa o coñeciamos pero gustounos moito lembralo de novo.

14/09/16

Comezamos cun conto

Como nos últimos anos, comezamos o curso lendo un conto en todos os niveis.
Os nenos e nenas de primeiro decidiron facelo no patio.

12/09/16

Préstamo de verán

O equipo de biblioteca do cole desexa transmitirvos afectuosos saúdos ,e seguir contando coa vosa colaboración. Para seguir desenvolvendo actividades, precisamos que os libros do préstamo de verán volvan aos andeis.
O equipo de nais de apoio estará na biblioteca todos os días desta semana de 9 a 10h.para recoller e ordenar os libros.

Esperámosvos!!
Blog Widget by LinkWithin
As ilustración e imaxes que publicamos neste blog teñen un uso educativo. Si están suxeitas a dereitos de autor/a, facédenolo saber, para poder retiralas axiña.Grazas
var linkwithin_site_id = 42636; Related Posts Plugin for WordPress, Blogger...